T-20 World Cup 2026 અંગે ક્રિકેટપ્રેમીઓ માટે મોટી ખુશખબર સામે આવી છે. ઈન્ટરનેશનલ ક્રિકેટ કાઉન્સિલ (ICC)એ જાહેરાત કરી છે કે આગામી T20 વર્લ્ડ કપનું આયોજન ભારત અને શ્રીલંકા દ્વારા સંયુક્ત રીતે કરવામાં આવશે. આ મહાસંગ્રામની શરૂઆત 7 ફેબ્રુઆરી 2026 થી થશે અને ફાઇનલ મેચ 8 માર્ચ 2026 ના રોજ રમાશે.
આ વારે ટુર્નામેન્ટમાં કુલ 20 ટીમો રમશે અને તેમને ચાર જૂથમાં વહેંચવામાં આવશે. ખાસ વાત એ છે કે ભારત અને પાકિસ્તાન એક જ ગ્રુપ (Group A) માં મુકવામાં આવ્યા છે, એટલે ફરી એકવાર રોમાંચક મુકાબલો જોવા મળશે. ગ્રુપ A માં ભારત અને પાકિસ્તાન સિવાય નેધરલેન્ડ, અમેરિકા અને નામિબિયા સામેલ છે.
T-20 World Cup 2026 – ગ્રુપ વિગત:
Group A: ભારત, પાકિસ્તાન, નેધરલેન્ડ, અમેરિકા, નામિબિયા
Group B: ઓસ્ટ્રેલિયા, શ્રીલંકા, આઈરલેન્ડ, ઝિમ્બાબ્વે, ઓમાન
Group C: વેસ્ટ ઈન્ડિઝ, ઈંગ્લેન્ડ, અફઘાનિસ્તાન, નેપાળ, ઉગાંડા
Group D: સાઉથ આફ્રિકા, ન્યૂઝીલેન્ડ, બાંગ્લાદેશ, યુએઈ, કેનેડા
ભારત vs પાકિસ્તાન – સુપર હાઈ વોલ્ટેજ મેચ
ક્રિકેટમાં ફેન્સને સૌથી વધુ ઉત્સુકતા રહેતી ભારત vs પાકિસ્તાન મેચ 15 ફેબ્રુઆરી 2026 ના રોજ રમાશે. આ મેચ શ્રીલંકાના કોલંબો R. પ્રેમદાસા સ્ટેડિયમમાં યોજાશે, કારણ કે પાકિસ્તાન ટીમ ભારતમાં રમવા તૈયાર નથી. તેથી પાકિસ્તાનની તમામ મેચો શ્રીલંકામાં થશે.
જો પાકિસ્તાન સેમીફાઇનલ અથવા ફાઇનલમાં પહોંચશે, તો મેચ ભારત અથવા શ્રીલંકામાં થઈ શકે છે. જો ફાઇનલમાં પાકિસ્તાન નહીં હોય તો ફાઇનલ અમદાવાદના નરેન્દ્ર મોદી સ્ટેડિયમમાં જ રમાશે, નહિંતર કોલંબો ખાતે ફેરવાશે. ફાઇનલ 8 માર્ચે અને રિઝર્વ-ડે 9 માર્ચે રાખવામાં આવ્યો છે.
ભારત ટીમ – નવો કૅપ્ટન – T-20 વર્લ્ડ કપ 2026
રોહિત શર્માની T20 નિવૃત્તિ બાદ સુર્યકુમાર યાદવ નવા કેપ્ટન બનવાની શકયતા છે. સાથે જ બુમરાહ, હાર્દિક, SKY જેવા અનુભવી ખેલાડીઓ અને જાયસવાલ, ગિલ જેવા જુનિયર ખેલાડીઓ ટીમને વધુ મજબૂત બનાવશે. અહેવાલ મુજબ વિરાટ કોહલી પણ આ ટુર્નામેન્ટનો ભાગ ન હોય શકે.
સારાંશ – T-20 વર્લ્ડ કપ 2026
- યજમાન દેશ: ભારત & શ્રીલંકા
- શરૂઆત: 7 ફેબ્રુઆરી 2026
- ફાઇનલ: 8 માર્ચ 2026 – અમદાવાદ / કોલંબો
- ઇન્ડિયા vs પાકિસ્તાન: 15 ફેબ્રુઆરી – કોલંબો
- કુલ ટીમો: 20 (4 ગ્રુપ)
